8 Noyabr “Zəfər günü” ilə bağlı Şuşada hərbi orkestrlərin müşayiəti ilə şəxsi heyətin yürüşü keçiriləcək.
Yürüş şəhərin Bayraq meydanının qarşısından Şuşa Qalasına qədər təşkil ediləcək.
Bundan əlavə, günün sonunda konsert proqramı təşkil olunacaq. Ardınca isə “Zəfər günü” atəşfəşanlıqla qeyd ediləcək.
Ümumilikdə, “Zəfər günü” ilə bağlı Şuşa şəhərində məktəb şagirdlərinin ifasında bayram nümayişi olacaq. Şuşanın istedadlı sakinlərinin, uşaq, yeniyetmə və gənclərinin rəsmlərindən və əl işlərindən ibarət sərgiyə baxış keçiriləcək və Şuşa şəhərində fəaliyyət göstərən restoranların nümunələri təqdim olunacaq.
Bundan əlavə, Şuşa Dövlət Musiqili Dram Teatrının aktyorlarının ifasında “Müsyo Jordan və Dərviş Məstəli Şah” tamaşası nümayiş olunacaq.
