1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Dəniz Mall" TM-də yerləşən "CineMastercard" premium kinoteatrında Türkiyənin məşhur "0000 Kilometre" melodramının qala gecəsi keçirilib. Filmin ssenarisi bu ilin ən çox izlənilən filmlərdən biri olan "3391 Kilometre"nin davamıdır.
Tədbirə rejissor və prodüser Deniz Enyüksek, əsas aktyorlar Derya Pınar Ak, Ahmet Haktan Zavlak, eləcə də filmin ssenarisinin götürüldüyü kitabın yazıçısı Beyza Alkoç dəvət olunublar.
Filmin qəhrəmanları media nümayəndələrinin suallarını cavablandırıb, qırmızı xalıdan keçib və bütün pərəstişkarlarla şəkil çəkdiriblər. Azərbaycan tamaşaçıları türkiyəli qonaqları hərarətlə, gur alqışlar və hədiyyələrlə qarşılayıblar.
"0000 Kilometre" sevgilərinin başladığı İzmir şəhərində yolları yenidən kəsişən İzmir və Egenin hekayəsindən bəhs edir. Bir telefon zəngi iki sevgilinin həyatını dəyişir. Aralarında yenə məsafə yaranır. İndi cütlüyü "sıfır kilometr" ayırır. Onlar birlikdə həyatın acılı-şirinli sürprizləri ilə qarşılaşırlar.
Tədbirin təşkilində "Cinema Distribution", "Coffemania" restoranlar şəbəkəsi, "Hill" restoranı, "Light in Black" kreativ şirkəti (foto və videoçəkiliş) dəstək göstəriblər.
"CineMastercard" hər zaman sizə xoş sürprizlər etməyə və kino dünyasında olan ən son premyeralarla sevindirməyə hazırdır.
