Sosial şəbəkə bütün zamanların ən yaxşı aktyorunu seçib. Məşhur sənətçilər Bred Pitt və Conni Depp də çox səs toplayıb, lakin ən yüksək reytinqə sahib ola bilməyiblər.
Reyting.az-ın məlumatına görə, yeganə qalib “Oskar” mükafatı laureatı və "Şouşenkin geri qaytarılması", "Gözəli elə getmək", eləcə də "Milyon dollarlıq gözəl qız" kimi filmlərin ulduzu olub.
Sorğunun nəticələri "ListChallenges" portalında dərc edilib. Təqdim olunmuş reytinq cədvəlinə görə, ən çox, yəni 133 səsi 87 yaşlı amerikalı aktyor və rejissor Morqan Friman toplayıb.
Kanada əsilli Kianu Rivz gümüş mükafata layiq görülüb. İlk üçlüyə "Karib dənizinin quldurları", "Alisa möcüzələr ölkəsində" və digər kult filmlərində rol almış Conni Deppin də adı düşüb.
Respondentlərin fikrincə, dördüncü və ya beşinci yerləri tutmalı olan digər məhşur aktyorlar Entoni Hopkins, mərhum ulduz aktyor Robin Uilyamsdır.
Maraqlısı budur ki, səsvermədə iştirak edən və üstəlik, birinci yerləri tutacaqlarına arxayın olan məşhurların əksəriyyəti reytinqdə geridə qalıblar. Brüs Uillis, Liam Nison, Silvester Stallone, Hyu Cekman, Leonardo Di Kaprio və Arnold Şvartseneqqer kimi bir çox kino ulduzları gözlənilməz şəkildə “sürprizlərlə” qarşılaşıblar.
Ümumilikdə bu səsvermədə 150 aktyora iştirakçı hüququ verilib. Sonuncu yeri isə hazırda Rusiya Federasiyasına köçüb orada yaşayan Stiven Siqal tutub. Onun qarşısında mübarizə apardığı Uilyam Levi və Şaya Labaf olub. Siqal onlarla bir sıradan irəli keçə bilməyib.
Hollivudun qaradərili ulduzu və amerikalı məşhur aktyor, rejissor, prodüser Morqan Friman öz karyerasını öncə televiziyadan başlayıb. Lakin bu ulduz aktyora dünya şöhrəti gətirən əsas filmlər "Sürücü Miss Deyzi" və "Şauşenkdən qaçış" adlı ekran əsərləri olub. "Milyon dollarlıq gözəl qız" filmindəki roluna görə sənətçi ən nüfuzlu kino mükafatı olan “Oskar”a layiq görülüb. Friman həmçinin “Qızıl Qlobus” mükafatını alan aktyorlar sırasındadır.
Qocaman Hollivud ulduzu yaxın həmkarı və tanınmış aktyor, kinorejissor Kristofer Nolanın ABŞ-da, eləcə də bütün dünya tamaşaçıları arasında baxılıb sevilən, çox məşhur olan "Betmen" film trilogiyasında da rol alıb. Morqan Friman "Betmen"-də Lusius Foks rolunu canlandırıb.
Milyonlarla tamaşaçısı olan Hollivudun kino ulduzu, böyük istedada malik aktyor kimi M. Friman həmçinin səs aktyorluğu janrında da fəal işləyir. Friman uzun illik kino fəaliyyətindən başqa həm də ekoloji təşəbbüsləri dəstəkləyir və ardıcıl olaraq böyük həvəslə arıçılıqla məşğul olur.
Oqtay QORÇU
