PSJ-nin baş məşqçisi Luis Enrike UEFA Çempionlar Liqasında Madrid “Atletiko”suna ev məğlubiyyətinə aydınlıq gətirib.
Arena.az xatırladır ki, “döşəkçilər” yarışın Liqa mərhələsinin 4-cü turu çərçivəsində Fransa nəhəngi üzərində 2:1 hesablı əzmkar qələbə qazanıblar.
Matçdan sonra baş tutan mətbuat konfransında Luis Enrike jurnalistlərə açıqlamasında bunları söyləyib:
“Sözüm yoxdur. İnanıram ki, üç ev oyunumuzda rəqibimizdən hədsiz dərəcədə üstün olsaq da, bəxtimiz gətirmədi. Nə qədər ki, oyunlarımız var, biz mübarizə aparacağıq. Mən 30 ildən çoxdur ki, futboldayam, bunu isə izah edə bilmirəm. Bu, uğursuzluqdur. Biz rəqibimizdən hədsiz dərəcədə üstün idik”, – “RMC Sport” dərgisi ispan mütəxəssisdən sitat gətirir.
4 turdan sonra PSJ UEFA Çempionlar Liqasının Liqa mərhələsinin yarış cədvəlində 4 xalla 25-ci pillədə qərarlaşıb. “Atletiko” isə 6 xalla 23-cü pillədədir.
