Beyin sağlamlığı həm fiziki, həm də zehni cəhətdən sağlam həyatın təməlini qoyur. Pis yaddaş insanın gündəlik fəaliyyətlərinə ciddi təsir edə bilər. Aparılan araşdırmalar göstərir ki, bibəriyə çayı zehni aydınlığı artırır, yaddaşı gücləndirir və onu sanki 10 il cavanlaşdırır.
Bakuinfo.net xəbər verir ki, bibəriyə çayı A, B1, B6, B9, C vitaminləri, maqnezium, kalsium, manqan və dəmir ilə zəngindir. Bu komponentlər bibəriyəni həm yaddaşın gücləndirilməsi, həm də zehni problemlərin qarşısının alınması üçün təsirli edir. Antioksidant xüsusiyyətləri sayəsində bibəriyə, yaşla əlaqəli unutqanlıq və konsentrasiya azalması kimi problemlərin həllinə kömək edir.
Araşdırmalara görə, bibəriyə beyinə qan axınını dəstəkləyən fermentlərin aktivliyini artıraraq yaddaşı və konsentrasiyanı təkmilləşdirir. Yatmazdan əvvəl bir neçə saat əvvəl içildikdə isə yuxu keyfiyyətini yaxşılaşdırır.
Bibəriyə çayı həmçinin:
Maddələr mübadiləsini sürətləndirərək arıqlama proqramlarına dəstək olur,Antiseptik təsiri ilə ağız və boğaz problemlərinin sağalmasına kömək edir,Yağlı qidaların həzmini asanlaşdırır, qəbizlik və həzmsizliyə yaxşı təsir göstərir,Antioksidantları ilə ödemi aradan qaldırır və sidikqovucu təsir göstərir.
Bibəriyə çayının tərkibindəki faydalı maddələr həm də immuniteti gücləndirir və bəzi xərçəng növlərinin qarşısını almaqda köməkçi rol oynayır. Dərinin sağlamlığını qoruyur, ürək xəstəlikləri riskini azaldır, miqren və əzələ ağrılarını yüngülləşdirir.
Bibəriyə Çayının Hazırlanması: Bir stəkan qaynar suya 1 çay qaşığı qurudulmuş bibəriyə əlavə edib 10 dəqiqə dəmləyin. İstəyə görə bal və limon əlavə edərək dadını zənginləşdirə bilərsiniz.
