Rusiya prezidenti Vladimir Putin ABŞ seçkilərində qalib gələn Trampla Moskvada görüşməyə hazır olduğunu bildirib.
News24.az xəbər verir ki, Rusiya prezidenti Putin Soçidə keçirilən Valday Diskussiya Klubunun toplantısının açılış nitqi ilə çıxış edib.
Putin ABŞ və Avropa İttifaqının Rusiyaya təzyiq cəhdlərinin nəticəsiz qalacağına, lakin tərəflərin bir-birinin maraqlarına hörmət etdiyi təqdirdə danışıqların nəticə verə biləcəyinə işarə edib.
“Hər kəsə aydın olmalıdır: bizə təzyiq etməyin faydası yoxdur. Bununla belə, qarşılıqlı qanuni maraqlar tam nəzərə alınarsa, biz hər zaman danışıqlara hazırıq. Biz beynəlxalq ünsiyyətin bütün iştirakçılarını belə çağırdıq və çağırmaqda davam edirik”, - Putin deyib.
Çıxışında Donald Trampın ikinci dəfə seçilməsi və ABŞ-ın 47-ci prezidenti olması ilə bağlı açıqlamalar verən Putin Trampı sui-qəsd cəhdində göstərdiyi cəsarətə görə tərifləyərək, onu qələbə münasibətilə təbrik edib.
Putin “Moskva ABŞ-ın yeni prezidenti ilə danışmağa hazırdır” deyib.
Putin Trampın Ukrayna böhranının həlli ilə bağlı seçki kampaniyası zamanı söylədiklərinin nəzərə alınması lazım olduğunu bildirib və Rusiyanın təmasları davam etdirmək istədiyi təqdirdə, görüşməyə hazır olduğunu bildirib.
Aynurə
