Türkiyə prezidenti Rəcəb Tayyib Ərdoğan seçkidə Donald Trampla Amerika qoşunlarının Suriyadan çıxarılmasını müzakirə etmək niyyətində olduğunu bildirib.AFN.az xəbər verir ki, bu barədə Türkiyə mediası məlumat yayıb. "Yeni dövrdə Donald Trampla görüşlərimizi davam etdirəcəyik və Yaxın Şərqdəki hadisələri necə formalaşdıracağımızı müzakirə edəcəyik. Bunu əvvəlki kimi telefon diplomatiyası ilə edəcəyik. Məsələn, Amerika qoşunlarının buradan çıxarılması məsələsini dəyərləndirəcəyik”, - deyə Ərdoğan cümə Avropa Siyasi Şurası sammitindən qayıdarkən jurnalistlərə bildirib. Türkiyə prezidentinin sözlərinə görə, Trampın əvvəlki prezidentlik dövründə Amerika lideri ilə ünsiyyətdə heç bir problem olmayıb. "Bu müddət ərzində də problem yaşayacağımızı düşünmürəm", - deyə o əlavə edib.
