İnauqurasiyadan sonra ABŞ-ın yeni prezidenti Donald Tramp şahzadə Harrini ölkədən çıxara bilər.
Publika.az xəbər verir ki, bu barədə “Daily Mail” yazıb.
Bildirilir ki, şahzadə Harrinin immiqrasiya sənədləri tezliklə ictimaiyyətə açıqlana bilər və onun özü deportasiya təhlükəsi ilə üzləşəcək. Donald Tramp seçkilərdə qalib gəldikdən sonra prezident Co Baydenin administrasiyası artıq onu müdafiə edə bilməyəcək. “Heritage Foundation” beyin mərkəzi uzun müddət şahzadə Harrinin məlumatlarını dərc etmək niyyətində idi, lakin Baydenin qadağasından keçə bilmədi.
Şahzadə Harrinin viza statusu ilk dəfə bir xatirə kitabında 2023-cü ildə istirahət məqsədilə müxtəlif dərmanlardan istifadə etdiyini etiraf etdikdən sonra sorğulandı. Giriş qaydalarına görə, bu məlumat onun immiqrasiya sənədlərində göstərilməli idi. Lakin əcnəbilərin ölkəyə girişinə nəzarət edən qurum Harri haqqında məlumatı açıqlamaqdan imtina edib. Daha sonra “Heritage Foundation” ABŞ Daxili Təhlükəsizlik Departamentini məhkəməyə verdi. Sentyabrda məhkəmə qeydlərin açıqlanması tələbini rədd etdi. Hazırda bu qərardan mərkəzin vəkilləri tərəfindən apellyasiya şikayəti verilir.
“Əgər Tramp administrasiyası Şahzadə Harrinin səs yazılarını yaysa, bu, Amerika xalqının maraqlarına uyğun olardı. Harri cavabdeh olmalıdır. Harrinin sənədlərinin açıqlanması qanunun aliliyinə dair güclü mesaj göndərəcək, onun qarşısında hamı bərabərdir”, - “Heritage Foundation” nəzdində Marqaret Tetçer Azadlıq Mərkəzinin direktoru Neil Qardiner bildirib.
