"Taxta bazarı" yenə yanıb - Video

Bakı şəhərinin Binəqədi rayonunda "taxta bazarı" kimi tanınan tikinti materialları bazarında yanğın olub. Bizimyol.info xəbər verir ki, bu barə Fövqəladə Hallar Nazirliyi (FHN) məlumat verib. Nazirliyin yanğınsönüdrə briqadaları tərəfindən həyata keçirilmiş zəruri və təxirəsalınmaz tədbirlər sayəsində havanın küləkli olmasına baxmayaraq Bakı şəhəri, Binəqədi rayonu, Ziya Bünyadov prospektində yerləşən inşaat materialları bazarında baş vermiş yanğın nəzarət altına alınıb. Yanğının söndürülməsi istiqamətində tədbirlər davam etdirilir. Əlavə məlumat veriləcək. Qeyd edək ki, son illərdə bazarda tez-tez belə hadisə baş verir. Yanğın nəticəsində həm ətrafa təhlükə yaranır, həm də sahibkarlara külli miqdarda ziyan dəyir.