COP29-un mövzusu, iqlim dəyişikliyi həm də sağlamlıqla əlaqəlidir.
APA-nın xəbərinə görə, bunu Ümumdünya Səhiyyə Təşkilatı (ÜST), UNICEF və "Lancet Countdown" təşkilatının iqlim, səhiyyə və uşaqlar mövzusundakı birgə mətbuat konfransında ÜST-ün Ətraf Mühit, İqlim Dəyişikliyi və Sağlamlıq Departamentinin direktoru Maria Neira bildirib.
Maria Neira deyib ki, COP29-da iqlim dəyişikliyi şəraitində sağlamlığı qorumağa da diqqət yönəldəcəklər: “Çirkli hava, su iqlim dəyişikliyinin nəticələridir və bu da sağlamlıq problemlərinə yol açır. Nəfəs aldığımız havanın keyfiyyətini daha da yaxşılaşdırmaqla hər il bu səbəbdən baş verən çoxlu sayda ölümün sayını azalda bilərik. Yəni iqlim dəyişikliyi ilə mübarizə aparmaqdan, bu prosesi yumşaltmaq üçün müdaxilələrdən çox şey qazana bilərik”.
