Estoniya millisinin baş məşqçisi Yurgen Henn UEFA Millətlər Liqasının 5-ci turu çərçivəsində keçiriləcək Azərbaycana qarşı oyun haqda danışıb.
Sportinfo.az soccernet.ee saytına istinadən xəbər verir ki, o deyib:
"Azərbaycanla oyun 3-cü yer üçün mübarizəyə görə daha vacib sayılacaq? Bizim üçün hər oyun vacibdir.
Hər oyuna elə hazırlaşırıq ki, sanki hamısı həlledicidir. Azərbaycanla oyun üçün tam strategiyanı qurmamışıq.
Bu, bizdə olan futbolçulardan da asılıdır. Ev oyununda göstərdik ki, müxtəlif vəziyyətlərə reaksiya verməyə hazırıq.
Əlbəttə ki, Azərbaycanı keçmək istəyirik. Məşqçinin bir oyuna planları çətin olur, amma məsələn, 75-ci dəqiqədə istədiyini futbolçulara çatdırmaq çətin olur.
Biz oyunçulara müxtəlif variantlar təqdim etməyə çalışırıq ki, onlar oyunda mümkün olan hər bir vəziyyətə tamamilə hazır olsunlar".
Azərbaycan - Estoniya matçı noyabrın 16-da Qəbələ Şəhər stasionunda keçiriləcək. Oyun saat 18:00-da başlayacaq.
