Azərbaycan Respublikası Mediasiya Şurasının təlim qurumu olan Azərbaycan Respublikasının Ədliyyə Nazirliyinin Ədliyyə Akademiyası tərəfindən 15 mediator üçün ixtisasartırma kursları təşkil edilib. Təlimlər mediatorların peşəkar bacarıqlarını artırmaq məqsədini daşıyır.
QHT.az xəbər verir ki, "Mediasiya haqqında" Azərbaycan Respublikasının Qanununun 12-ci maddəsinin 12.2.2-ci bəndinə əsasən, hər bir mediator iki ildə bir dəfə ixtisasartırma kurslarında iştirak etməli və sertifikat almalıdır. Bu qayda mediatorların bilik və bacarıqlarının yenilənməsi üçün vacibdir.
