"Yunis Hüseynov "Turan Tovuz"a təcrübə yığmağa gedib. Kurban Berdıyev güclü məşqçilərdəndir".
İdman.biz xəbər verir ki, bu sözləri Sport24.az-a açıqlamasında Zaur Ramazanov Yunis Hüseynovun "Turan Tovuz" klubunda baş məşqçi Kurban Berdıyevin köməkçisi təyin olunmasına münasibət bildirərkən deyib.
Veteran futbolçu bu təyinatın Azərbaycan futbolu üçün faydalı olacağını hesab edir: “Kurban Berdıyev təcrübəli baş məşqçidir. Yanına çoxusu təcrübə yığmaq üçün gedir. Yunis müəllim illərlə "Neftçi"nin kapitanı olub. Bir dəfə də olsun ona dəvət göndərməyiblər. Yunis Hüseynovun Kurban Berdıyevin köməkçisi işləməsində pis heç nə yoxdur. Düşünürəm ki, Azərbaycan futbolu üçün faydalı olar. Cavid Hüseynov faktı ortadadır. "Turan Tovuz"da Kurban Berdıyevin köməkçisi işləyib, "Səbail"ə baş məşqçi getdi".
İdman.biz
