Rusiyanın xarici işlər naziri Sergey Lavrov bildirib ki, prezident Vladimir Putin ABŞ-ın yeni administrasiyası ilə təmaslara hazır olduğunu bəyan edib...
Poliqon xəbər verir ki, Sergey Lavrov bu barədə “Yeni Dünya” layihəsinə müsahibəsində deyib. Xarici İşlər Nazirliyinin rəhbərinin sözlərinə görə, top hazırda Vaşinqtonun meydançasındadır.
“Putin Valdayda dedi ki, o, hər zaman ünsiyyətə hazırdır, əlaqəni biz kəsməmişik və ona görə də indi top o biri tərəfdədir”, deyə Lavrov vurğulayıb.
Nazir ABŞ-nin yeni seçilmiş prezidenti Donald Trampın komandasından gözləntiləri barədə danışmayıb. Lavrov konkret işlərə görə mühakimə yürütməyi təklif edib və qeyd edib ki, Respublikaçılar üçün Çini dayandırmaq vəzifəsinin prioritet olaraq qalacağını istisna etmir.
Lavrov Trampın Ukraynadakı münaqişəni 24 saat ərzində dayandırmaq vədinə isə diqqət yetirmək istəməyib.
“Hazırda Respublikaçılar düşərgəsində, necə deyərlər, Ukrayna münaqişəsini necə bitirmək barədə “inqilabi ideyalar” ifadə edənlər arasında heç kim heç yerdə Ukraynanın rus əhalisinə danışmaq, oxumaq, uşaqlarına rus dilini öyrətmək hüquqlarını qaytarmaq hüququ barədə heç nə demirlər”, deyə Lavrov bildirib.
Xatırladaq ki, Donald Tramp seçki kampaniyası zamanı dəfələrlə bəyan edib ki, Ukraynadakı münaqişəni 24 saat ərzində bitirməyi planlaşdırır. Noyabrın 6-da qələbə nitqində bütün müharibələri dayandıracağına söz verib.
Poliqon.info
