Estoniya hökuməti Rusiya vətəndaşlarının bələdiyyə seçkilərində səsvermə hüququndan məhrum ediləcəyi ölkə konstitusiyasına dəyişiklik edilməsi təşəbbüsünü dəstəkləyib. AFN.az xəbər verir ki, bu barədə yerli “Delfi” portalı məlumat yayıb.Bildirilir ki, bu qərar Nazirlər Kabinetinin iclasında qəbul edilib. Portal respublikanın baş naziri Kristen Miçala istinadən xəbər verir ki, o, təşəbbüsün müxalifət tərəfindən də dəstəklənəcəyinə və artıq növbəti seçkilərdə rusların səs vermək hüququna malik olmayacaqlarına ümid etdiyini bildirib.Rusiya vətəndaşlarının bələdiyyə seçkilərində səsvermə hüququnun məhdudlaşdırılmasını hökumətə Estoniyanın daxili işlər naziri və Sosial Demokrat Partiyasının sədri Lauri Länemets təklif edib.
