Avropa Futbol Assosiasiyaları İttifaqı (UEFA) ingilis hakim Devid Kutla bağlı araşdırmaya başlayıb.
90deqiqe.Az xəbər verir ki, buna səbəb internetdə yayılan, hakimin "Liverpul"un keçmiş baş məşqçisi Yurgen Kloppun ünvanına təhqirlər işlətdiyi video olub. Bu barədə UEFA-nın rəsmi saytı məlumat yayıb.
“Hakim Devid Kutun UEFA nizam-intizam qaydalarını pozub-pozmadığını qiymətləndirmək üçün UEFA-nın Etika və İntizam Məsləhətçisi təyin edilib. Bu məsələ ilə bağlı əlavə məlumat yaxın vaxtlarda veriləcək”, - təşkilatın rəsmi saytında deyilir.
Hazırda İngiltərədə hakimliyə məsul qurum (PGMOL) Kutu işdən uzaqlaşdırıb. Sözügedən videoda hakim Kloppu təkəbbürlü davranışda da ittiham edib.
