ABŞ-nin Pensilvaniya ştatı, "Bitcoin"i ştat xəzinəsinin bir hissəsi kimi qəbul etmək üçün addımlar atır.
Valyuta.Az CNBC-e istinadla xəbər verir ki, "Pensilvaniya Bitcoin Strateji Ehtiyat Qanunu" adlı qanun layihəsi ştat məclisinə təqdim edilib. Layihə, 7 milyard dollarlıq ştat fondlarının 10%-ə qədərini "Bitcoin"ə yönəldərək investisiya portfelini genişləndirməyi nəzərdə tutur.
Qanun layihəsi, ştatın kripto aktivləri tanıması yolunda mühüm addım kimi qiymətləndirilir. Layihənin müəllifi Respublikaçı Mayk Kabell, "Bitcoin"in inflyasiyaya qarşı dayanıqlı bir vasitə olduğunu və maliyyə çevikliyini artıracağını bildirir. Əgər qanun qəbul olunarsa, Pensilvaniya xəzinəsi 7 milyard dollara qədər "Bitcoin" sərmayəsi edə biləcək.
ABŞ Ştatlarında Kripto Siyasəti
Pensilvaniyanın "Bitcoin"i strateji ehtiyat kimi qəbul etməsi, ABŞ-da kripto aktivlərin tanınması baxımından əhəmiyyətli bir addım sayılır. 14 noyabrda təqdim edilən qanun layihəsi, rəqəmsal aktivlərin ştatda daha geniş qəbul görməsini təşviq edə bilər. ABŞ-ın bir çox ştatı artıq kripto tərəfdarlarının cərgəsinə qoşulmaqdadır; məsələn, Vayominq blokçeyn qanunvericiliyində, Texas kripto mədənçiliyində, Florida isə blokçeyn şirkətlərini cəlb etməkdə fəal mövqeyə sahibdir. Pensilvaniya da bu qanunla kripto tərəfdarı olan ştatlar sırasına qoşulmağı hədəfləyir.
Qanun Layihəsinin Qəbul Şansı və Nəticələr
Pensilvaniya məclisindəki Demokrat üstünlüyü səbəbindən layihənin qəbul şansı qeyri-müəyyəndir. Buna baxmayaraq, hər iki partiyanın dəstəyinin mümkün olduğu düşünülür. Qanun qəbul olunarsa, Pensilvaniya kripto leyhinə qanunlar qəbul edən ştatlar arasına daxil olacaq.
Bu addımın kripto bazarlarında müsbət təsir yaratması və digər ştatları da oxşar addımlara təşviq etməsi gözlənilir. Pensilvaniyanın 7 milyard dollarlıq fondunun 10%-ni "Bitcoin"ə yönəltməsi, ənənəvi sərmayə vasitələrinə alternativ yaratmağı və maliyyə diversifikasiyasını təmin etməyi nəzərdə tutur.
Aydın
