ABŞ-nin yeni seçilmiş prezidenti Donald Tramp gələcək administrasiyasında müdafiə naziri vəzifəsinə keçmiş hərbçi, hazırda "FoxNews" kanalında aparıcılıq edən Pit Heqsetin namizədliyini iəli sürüb. O, ABŞ Senatının təsdiqini alarsa, yanvarın 20-dən sonra müdafiə naziri vəzifəsində çalışacaq.
"AzPolitika" xəbər verir ki, bu posta namizəd göstərilən Heqset sosial şəbəkələrdə yayılan tatulu fotoşəkillərinə görə, tənqidlə üzləşib. Sosial şəbəkə istifadəçiləri sinəsində 3-cü Səlib yürüşlərinin simvolu olan "Qüds Xaçı" və qoluna vurdurduğu tatunun irqçi anlam daşımasına görə, Heqseti tənqid ediblər.
