Şəriət sistemi ilə idarə olunan Səudiyyə Ərəbistanında son illərdə Vəliəhd şahzadə Məhəmməd bin Salman başçılıq etdiyi islahatlar sayəsində köklü dəyişikliklər baş verib. Dəyişikliklərin ən parlaq nümunələrindən biri də Cennifer Lopezin paytaxt Ər-Riyadda baş tutan konserti olub.
Milli.Az axşam.az-a istinadən bildirir ki, dünya şöhrətli müğənninin konserti böyük marağa səbəb olub, Lopezin geyimi və səhnə şouları tədbirdə xüsusilə yadda qalıb.
Turizmi canlandırmaq üçün atılan addımlar çərçivəsində paytaxt Ər-Riyadda "Elie Saab" brendinin 45 illik yubiley gecəsi münasibəti ilə yeni kolleksiyasının təqdimatı olub. Gecədə Lopezlə yanaşı Kamila Kabello, Selin Dion, Helli Berri, livanlı müğənni Nensi Ajram və bir çox məşhurlar olub.
Gecənin ən müzakirəli çıxışını edən CeyLo geyimi ilə təəccübləndirib. Səhnəyə bodi ilə çıxan ifaçının görünüşünü tənqid ediblər.
Qeyd edək ki, yeni islahatlara əsasən ölkədə qadınlara avtomobil sürmək və ailə üzvlərindən birinin icazəsi olmadan xaricə səyahət etmək imkanı verilib, ictimai yerlərdə cinsi ayrı-seçkiliyi praktikası yumşaldılıb, qadınlara abaya geyinmək məcburiyyəti ləğv olunub.
Milli.Az
Məqaləyə dair fotomateriallar:
.jpg)
.jpg)
.jpg)
.jpg)
.jpg)
.jpg)
