Dünya Ukraynadakı münaqişənin bitməsini gözləyir. Bunu Hindistanın xarici işlər naziri Subrahmanyam Cayşankar “The Hindustan Times” qəzetinin təşkil etdiyi konfransda deyib.
Onun sözlərinə görə, münaqişə mümkün qədər tez başa çatmalıdır. Çünki bu, təkcə münaqişənin hazırkı tərəflərinə deyil, hər kəsə baha başa gəlir. O, Almaniya kansleri Olaf Şolzun münaqişə başlayandan bəri ilk dəfə Rusiya prezidenti Vladimir Putinlə danışmasını da yüksək qiymətləndirib. Onun fikrincə, dünya artıq tükənib.
Xarici işlər naziri etiraf edib ki, Dehli heç bir sülh planı təklif etməyib. Çünki hakimiyyət bunun onların işi olduğunu düşünmür. O vurğulayıb ki, iki ölkəni qarşılıqlı maraq nöqtəsinə gətirmək üçün bir yol tapmağa çalışmaq onların öz işidir.
Qeyd edək ki, Rusiya ilə Ukrayna arasındakı genişmiqyaslı müharibə 2022-ci ilin fevralın 24-də başlayıb. Moskva işğal zamanı qoşunları Kiyevə qədər apara bilsə də, sonradan müharibədə üstünlük nisbətən Ukraynanın tərəfinə keçib. Ukrayna qoşunları ötən ilin iyunundan əks-hücum əməliyyatlarına başladılar. Amma bu da uğurlu olmadı. Son aylarda isə Rusiya yenidən döyüş meydanındakı vəziyyəti öz xeyrinə dəyişə bilib.
Tural
