“Sitrus meyvələri, o cümlədən naringi və portağal, müəyyən xəstəlikləri olan insanlar üçün təhlükəli ola bilər”
Medianews.az xəbər verir ki, bunu diyetoloq Elena Solomatina deyib.
Solomatinanın sözlərinə görə, şəkərli diabet xəstələrinə şirin sitrus meyvələri tövsiyə edilmir, çünki onların tərkibində çoxlu şəkər var və bu, qanda qlükoza səviyyəsinin artmasına səbəb ola bilər.
“Bundan əlavə, məsələn, qastrit və ya xora varsa, sitrus meyvələrində olan turşu zədələnmiş selikli qişaya çatacaq və iltihab prosesinin kəskinləşməsinə, gəyirmə və ağrıya səbəb olacaq. Əgər siz onları acqarına yeyirsinizsə, bu xüsusilə təhlükəlidir”, – Solomatina xəbərdarlıq edib.
O əlavə edib ki, disbiozu olan insanlar üçün sitrus meyvələri istehlak etmək də risklidir. Onun sözlərinə görə, sitrus meyvələrinin tərkibindəki lif şişkinlik, köp və nəcisdə problemlər yarada bilər.
Bundan əlavə, diyetoloq deyir ki, sitrus meyvələri güclü allergendir və həddindən artıq yeməkdən hətta əvvəllər naringi və portağal ilə problemi olmayanlarda da onlara qarşı dözümsüzlük yarana bilər. “Ancaq, yenə də bu, yalnız bir kiloqrama yaxın çox yemək yeyirsinizsə baş verir”, – deyə o bildirib.
