ABŞ-ın müdafiə naziri Lloyd Ostin jurnalistlərin Avstraliya və ya Yaponiya ərazisində hipersəs silahlarının yerləşdirilməsinin hipotetik ehtimalı ilə bağlı sualını şərh etməkdən imtina edib.
APA xəbər verir ki, bu barədə TASS yazıb.
Avstraliyanın Darvində keçirilən mətbuat konfransı zamanı Ostindən ABŞ-ın gələcəkdə Avstraliya və ya Yaponiyada hipersəs silahları yerləşdirməyi öhdəsinə götürə biləcəyi soruşulub. "Bu günə qədər hipersəs silahları ilə bağlı heç bir elanımız yoxdur" - Pentaqon rəhbəri deyib.
Bundan əlavə, o, ABŞ-ın AUKUS Amerika-Britaniya-Avstraliya alyansı çərçivəsində sövdələşmənin həyata keçirilməsi üçün əlindən gələni edəcəyinə aydınlıq gətirib. Beləliklə, Vaşinqton Kanberranı üç Virciniya sinfinə aid nüvə sualtı qayıqla təmin edəcəyinə söz verib.
