Astarada baş verən qəzada piyada ölüb.
APA-nın cənub bürosunun verdiyi xəbərə görə hadisə axşam saatlarında rayonun Pensər kəndində baş verib. Pensər kənd sakini 1985 - ci il təvəllüdlü Qismət Cəbrayıl oğlu Feyziyev idarə etdiyi "VAZ-2104" markalı minik avtomobili ilə hərəkətdə olarkən, idarəetməni itirib və piyada Xəyalə Məzahir qızı Nəsirovanı vurub.
Qəza nəticəsində piyada aldığı xəsarətlərdən hadisə yerində ölüb. Nəqliyyat vasitəsi yol kənarındakı internet dirəyinə çırpılaraq, dirəyi də sıradan çıxarıb.
Meyit aidiyyəti üzrə təhvil verilib.
İlkin ehtimala görə qəzaya səbəb yağışlı hava şəraiti göstərilir.
Faktla bağlı araşdırma aparılır.
