Bir neçə illik yaş fərqi məşhurların ailə qurmasına və ya bir-birini sevməsinə mane ola bilməz.
Hafta.az olaraq bu cür ulduz cütlüklərdən bəziləri haqda məlumat təqdim edirik:
Sidney Svini və Conatan Davino, yaş fərqi 14 il
Sidney Svini və Conatan Davino 2018-ci ildə tanış olublar və 2022-ci ildə nişanlanıblar. Uğurlu iş adamı olan Davino 27 yaşlı aktrisadan 14 yaş böyükdür. 2024-cü ilin oktyabrında “Glamour” jurnalına verdiyi müsahibədə Svini, həyat yoldaşından maddi cəhətdən asılı olmadığını söyləyib. Yaş fərqinin böyük olmasına baxmayaraq, o, münasibətlərinin ciddi olduğunu qeyd edib.
Cefri Din Morqan və Hilari Burton, yaş fərqi 16 il
Ceffri Din Morqan və Hilari Burton 15 ildən artıqdır ki, görüşürlər və onlar münasibətlərini 6 il əvvəl rəsmiləşdiriblər. İndi cütlük Nyu-Yorkun ətrafında yaşayır, bir qız və bir oğul övladı böyüdürlər. Onların öz təsərrüfatı və Samuel's Sweet Shop adlı şirniyyat dükanı var. Zaman-zaman aktyorlar çəkilişlərdə, film festivallarında iştirak edirlər.
Bredli Kuper və Gigi Hadid, yaş fərqi 20 il
2023-cü ilin iyun ayında Bradli Kuper və Gigi Hadidin dostluğu tam hüquqlu bir əlaqəyə çevrildi. Anladılar ki, onların dünyagörüşü, uşaq böyütmək və yüksək karyera ilə bağlı fikirləri var. Əvvəlcə münasibətlərini hər kəsdən gizli saxlayan cütlük daha sonra həftə sonları uşaqları ilə çölə çıxanda paparassilərə tuş gəlməyə başlayıb. Yanvarda Kuper Gigini anası ilə tanış edib. Modelin yaxınları onların evliliyinə qarşı deyil.
Gigi Hadid üçün qızı həmişə birinci yerdədir. Bredlinin bunu bir ata kimi yaxşı başa düşməsindən xoşu gəlir. Modelin sözlərinə görə, Kuper keçmişdə tanış olduğu oğlanlardan daha məsuliyyətlidir.
Ceyson Statham və Roze Hantinqton-Uaytli, yaş fərqi 20 il
Ceyson 2010-cu ildə Kaliforniyada keçirilən musiqi festivalında model Rozi Hantinqton-Uaytli ilə tanış olur və o, aktyoru heyrətə gətirir. Aktyor bir neçə dəfə onun kimi qadınlara rast gəlmədiyini bildirib. Əvvəlcə heç kim bu sevgiyə inanmırdı, pərəstişkarları bunun gənc və gözəl qızla aktyor münasibəti olduğunu düşünürdü və bildirirdilər ki, münasibət uzağa getməyəcək. 2016-cı ildə evləndiklərini açıqlayan cütlüyün 2017-ci ildə bir oğlu olub.
“O, çox nümunəvi və yaxşı atadır. Mən bu baxımdan çox şanslıyam!”, – deyə model Statham haqqında danışır.
Aaron Taylor-Conson və Sam Taylor-Conson, yaş fərqi 23 il
Sam Teylorla tanış olanda Aaron 19 yaşında idi. Onlar 2008-ci ildə "Con Lennon olmaq" filminin çəkiliş meydançasında tanış olublar. Aktyor o zaman diqqətini 42 yaşlı Sama yönəldib. Ətrafdakılar buna qarşı olsalar da, hər ikisi münasibətlərində ciddiləşib.
Əvvəlcə çoxları gənc aktyorun rejissorla romantik münasibətlə Hollivuda getmək istədiyindən şübhələnsə də, zaman hər şeyi öz yerinə qoyub. Onlar tanış olduqdan üç il sonra evləniblər və indi iki uşaqları var. Aaron iddia edir ki, həyat yoldaşı ondan daha çox enerjilidir və yaş fərqi heç də nəzərə çarpmır.
“Bir çox insanın 20 yaşında etdiklərini mən 13 yaşımda etdim. Bu, kiməsə qeyri-adi görünə bilər, amma inanıram ki, hər yaşda həyatdan həzz almağı bacarmalısan”, - aktyor deyir.
