“Biz 890 mindən çox səslə ikinci yeri tutan partiyaya - 325 mindən çox səs almış bütün radikal müxalifətə qalib gəldik, Bu da MSK tərəfindən dərc olunmuş yekun sənədlə müəyyən edildi”.
Hafta.az-ın yazdığına görə, bu barədə Gürcüstanın baş naziri İrakli Kobaxidze hökumətin iclasında bildirib.
Hökumət başçısı hakim komandanın seçkilərdə inamlı qələbə qazandığını qeyd etdi və gürcü xalqına bir daha təşəkkür etdi.
“Dünən seçkilərin nəticələri yekunlaşdı və nəhayət müəyyən edildi ki, bizim hakim komanda seçkilərdə inamlı qələbə qazanıb və buna görə gürcü xalqına bir daha çox təşəkkür etməliyik. Bu qələbə çox inandırıcıdır. Bu da o deməkdir ki, gürcü cəmiyyəti məhz bizim mesajı aldı. Bu həlledici seçki idi, ilk növbədə müharibə ilə sülh arasında və ölkənin qaranlıq keçmişinə qayıtması ilə aydın və Avropa gələcəyi arasında bir növ referendum idi. Seçim məhz ölkənin aydın gələcəyinin xeyrinə edildi”, – deyə İrakli Kobaxidze bildirib.
“Mərkəzi Seçki Komissiyasına çox təzyiq oldu. Dünən əvvəl gördüyümüz çox ağır bir hadisə yaşandı, hərçənd, MSK-nın tərkibi bu proseslərdən lazımi qaydada keçdi və nəhayət seçkilərin ən yüksək səviyyədə keçirilməsini təmin etdi”, – deyə baş nazir qeyd edib.
“Gələn bazar ertəsi Gürcüstan parlamentinə etimad bildirmək üçün hökumətin tərkibi təqdim olunacaq. Buna görə də mən bütün nazirliklərdən hökumət proqramını dəqiqləşdirmək üzrə işə başlamağı xahiş edirəm” deyən İrakli Kobaxidze bildirib ki, hökumət proqramında öz əksini tapmış iddialı vəzifələr əks olunub.
“Növbəti dörd il ərzində biz ölkəmizi tamamilə başqa inkişaf mərhələsinə keçirməliyik və bunu dövlət proqramımız təmin edəcək. İndi əsas olan bütün tapşırıqları uyğun şəkildə yerinə yetirmək üçün gündəlik işləməkdir”, – baş-nazir qeyd edib.
