1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Rusiyanın Yekaterinburq şəhərində 3 saylı mərkəzi şəhər xəstəxanasında güclü yanğın baş verib.
Oxu.Az-ın Rusiya KİV-ə istinadən xəbərinə görə, bu barədə Rusiya Fövqəladə Hallar Nazirliyinin Mətbuat Xidmətindən məlumat verilib.
Alov xəstəxana ərazisində yerləşən inzibati binanın damını bürüyüb. Ərazidən qalın qara tüstü yayılır.
Hadisə yerində 48 xilasedici və 16 texnika işləyir. Yanğının 300 kvadratmetr sahədə lokallaşdırılmasına nail olunub.
Tibb müəssisəsinə gələn ziyarətçilər və xəstələr təxliyə edilirlər. 350 nəfər binanı özbaşına tərk edib. Bəzi insanlar bir-birinə kömək edərək yanan xəstəxananın pəncərələrindən bitişik binaların damlarına tullanırlar.
