Azərbaycan millisinin cüdoçusu Elcan Hacıyevin (90 kq) son durumuna aydınlıq gəlib.
Bu barədə İdman.bizə Avropa çempionunun özü məlumat verib.
Hacıyev bildirib ki, hazırda özünü yaxşı hiss edir: “Sağlamlığımla bağlı son durum yaxşı vəziyyətdədir. Məni əməliyyat edən həkim də bildirdi ki, zədəm sürətli şəkildə sağalır. Artıq 1 aydır ki, fiziki məşqlərə start vermişəm. Yanvardan isə millimizlə birlikdə məşqlərə start verəcəm. Hər gün fizioterapiyaya gedirəm. Bu proses 4 ay da davam edəcək. Əgər hər şey gözlədiyimiz kimi olarsa, martdan yarışlara qoşulacam”.
Qeyd edək ki, Hacıyev Paris-2024 Yay Olimpiya Oyunlarının 1/8 finalında Maksim-Qael Nqayapa Qamba ilə görüşünün sonlarında çiynindən xəsarət alaraq, əməliyyat olunub.
Banuçiçək Hüseynli
İdman.biz
