1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"İsrail İrana qarşı son zərbəsi zamanı ölkənin nüvə proqramının konkret komponentinə hücum edib".
Oxu.Az TASS-a istinadən xəbər verir ki, bu sözləri İsrailin Baş naziri Benyamin Netanyahu parlamentin iclasında deyib.
"Bu, heç kimə sirr deyil. Hücum zamanı onların nüvə proqramının müəyyən komponentinə zərbə vurulub", - baş nazir bəyan edib. Netanyahu zərbənin hədəfinin hansı növ obyekt olduğunu açıqlamayıb.
Eyni zamanda, o qeyd edib ki, İsrail tərəfinin fikrincə, bu zərbə bütövlükdə İranın nüvə proqramının dayandırılmasına gətirib çıxarmayıb.
"Proqramın özü və onun aktivləşdirilməsi imkanları dayandırılmayıb, biz onun icrasını 10 il ləngitdik, lakin İran uranın zənginləşdirilməsində böyük irəliləyiş əldə edə bilib", - baş nazir vurğulayıb.
Netanyahu, həmçinin deyib ki, İsrail İranın ballistik raket istehsal imkanlarına da ciddi zərbə vurub.
