Rusiya ordusu Ukraynanın Sumı vilayətinin Qluxova məntəqəsinə hücum edərək yataqxananı vurub. Nəticədə çoxlu sayda ölənlər və yaralılar var, o cümlədən uşaqlar.
Reyting.az xəbər verir ki, bu barədə Sumı vilayət administrasiyası məlumat yayıb.
Fövqəladə Hallar üzrə Dövlət Xidməti bildirir ki, düşmənin Qluxovdakı yataqxanaya hücumu nəticəsində ölənlərin sayı biri uşaq olmaqla, on nəfərə çatıb. Üçü uşaq olmaqla 13 nəfər yaralanıb. Qismən dağılmış yataqxana binasının dağıntıları altında yəqin ki, üç nəfər var.
Sumı Regional Dövlət Administrasiyası fövqəladə işlərin davam etdiyini, sakinlərin hələ də dağıntılar altında ola biləcəyini bəyan edib.
Qeyd edək ki, Rusiya son günlər Ukraynaya qarşı hücumları artırıb. Noyabrın 17-də rus ordusu Sumıda çoxmərtəbəli binaya ballistik raket zərbəsi endirib. Bu atəş nəticəsində ikisi 9 və 14 yaşlı uşaq olmaqla 12 nəfər həlak olub.
Noyabrın 18-də isə ruslar “İskəndər” raketi ilə Odessanı vurub.
V. QULİYEV
