Müəllif:Ayşən İmanova/Banco.az
“Apple”dan 5G modemli büdcəli “iPhone SE 4” 2025-ci ilin birinci rübünün sonunda buraxılacaq.
Banco.az xəbər verir ki, bu barədə “MacRumors” portalı “Barclays”ın analitiki Tom O’Malliyə istinadən məlumat yayıb.
Beləliklə, smartfon 2025-ci ilin martında - hazırkı üçüncü nəsil “iPhone SE”nin təqdimatından üç il sonra buraxılacaq.
Şayiələrə görə, yeni məhsul əsas “iPhone 14”ə bənzəyəcək və 6,1 düymlük OLED displey, Face ID, flaqman A17 Pro və ya A18 çipi, USB-C portu, arxa tərəfdə bir 48 MP kamera, həmçinin “Apple Intelligence” və “Apple”ın ilk 5G modemini dəstəkləmək üçün 8 GB RAM təklif edəcək.
