"Bayern Münhen" və "Real Madrid"in transfer siyahısında olan Florian Virts karyerasını İngiltərə nəhəngində davam etdirmək istəyir.
Fanat.Az xəbər verir ki, məlumatı "Caught Offside" yayıb.
Xəbərə görə, "Bayer Leverkuzen"in 21 yaşlı hücumameyilli yarımmüdafiəçisi "Real"da əsas heyətə düşəcəyinə inanmır və onu sıralarına cəlb etməyi planlaşdıran "Mançester Siti"də oynamaq istəyir. Alman futbolçunun mövsümün sonunda Mançester klubundan ayrılacağı gözlənilən Kevin De Bröynenin yerini tutmağı hədəflədiyi bildirilib. Mənbə bu keçidin "şəhərlilər"ə 120 milyon avroya başa gələ biləcəyini vurğulayıb.
Cari mövsüm milli və klubda ümumilikdə 23 matça çıxan Florian 10 qol və 3 məhsuldar ötürmə ilə yadda qalıb. "Transfermarkt" portalı onun transfer qiymətini 130 milyon avro ilə dəyərləndirir.
Nihat
