ABŞ Nümayəndələr Palatasının spikeri Mayk Conson transgenderlərin Kapitoli və digər Nümayəndələr Palatasının binalarında doğulduğu cinsiyyətə uyğun gəlməyən tualetlərə buraxılmayacağını bildirib...
Poliqon xəbər verir ki, bu barədə Washington Post yazıb.
Conson qayda dəyişikliyini demokrat Sarah Makbrayd ABŞ Konqresinə seçilən ilk açıq transseksual şəxs olduqdan iki həftə sonra elan edib.
"Kapitoli və Evin ofis binalarında tualet və soyunub-geyinmə otaqları kimi bütün təkcinsli sahələr həmin bioloji cinsin fərdləri üçün ayrılıb", deyə Conson bildirib.
O, həmçinin vurğulayıb ki, kişilər qadın ola bilməz və qadınların öz məkanları olmalıdır.
Bundan əvvəl Associated Press sorğusu göstərib ki, Birləşmiş Ştatlar vətəndaşlarının təxminən yarısı ştatda transseksuallara dəstəyin həddən artıq artdığına inanır. Bununla bağlı qeyd edilir ki, Respublikaçılar Partiyasından ABŞ prezidentliyinə namizəd Donald Tramp və vitse-prezidentliyə namizəd Cey Di Vens transseksuallara qarşı hücumları öz seçki proqramlarının əsas məqamlarından birinə çeviriblər.
Qeyd edək ki, ABŞ-da Demokratlar Partiyasından olan Sara Makbrayd Delaver ştatından Konqresin Nümayəndələr Palatasına üzv seçilib. 34 yaşlı Sara Makbrayd Konqresə seçilən ilk transgender olub.
O, X sosial şəbəkəsində seçicilərə təşəkkür edib: "Təşəkkür edirəm, Delaver! Səsiniz və dəyərlərinizə görə mən sizin növbəti Konqres üzvünüz olmaqdan qürur duyuram".
Makbrayd 2011-ci ildən ortaya çıxıb. O, siyasətə daha əhatəli bir mühit yaratmaq üçün gəldiyini söyləyib. 2012-ci ildə Makbrayd ABŞ-ın 44-cü prezidenti Barak Obamanın yanında Ağ Evdə təcrübə keçən ilk transgender olub. 2021-ci ildən o, Delaver Ştat Senatının üzvü kimi fəaliyyət göstərib.
Seçki günündən əvvəl Makbrayd "Reuters"ə bildirib ki, o, namizədliyinin tarixi xarakterindən daha çox diqqəti vacib məsələlərə yönəltməyə çalışacaq. O, Delaver ştatı üçün ən yaxşı konqresmen olacağını qeyd edib.
Poliqon.info
