Demokrat.az xəbər verir ki, ilk məhkəmə prosesi zamanı Sararat dostu Siripornu öldürməkdə günahkar bilinərək edam cəzasına məhkum edilib.
Sararat Rangsivuthapornun cinayətləri Tayland tarixində qadın tərəfindən törədilən ilk serial qətl hadisəsi kimi qeydə alınıb. İstintaq materiallarına görə, Sararat qumar borclarını ödəmək üçün yüksək məbləğlərdə borc aldığı şəxsləri "bitki dərmanı" adı altında sianidlə zəhərləyib. Onların ölümü sonrası isə qiymətli əşyalarını oğurlayıb.
Bu dəhşətli cinayətlər Tayland ictimaiyyətində geniş rezonans doğurub. Sararatın hərəkətləri kumar asılılığının nə qədər təhlükəli və destruktiv ola biləcəyini bir daha göstərib. Cinayətlərin tam araşdırılması davam edir və əlavə qətl hadisələri ilə bağlı da yeni ittihamlar irəli sürülə bilər.
Taylandın "Sianidli Am" ləqəbli qadını Sararat Rangsivuthaporn, 14 nəfəri sianidlə zəhərləyərək öldürməkdə təqsirləndirilir. İlk hadisə ötən ilin aprel ayında, Sararat və dostu Siripornun Buddist ayin üçün çay kənarına getməsi ilə baş verib. Siriporn orada halı pisləşərək vəfat edib. Aparılan otopsiyada onun bədənində sianid izlərinə rast gəlinib. Bu ölüm, polisin 2015-ci ildən bəri həll edilməyən oxşar cinayətləri yenidən araşdırmasına səbəb olub.
Sararatın qumar borclarını ödəmək üçün istifadə etdiyi dəhşətli metodlar ictimaiyyəti sarsıdıb. O, əvvəlcə qurbanlarından yüksək məbləğlərdə borc alıb, sonra isə "bitki dərmanı" adı altında sianid verərək onları zəhərləyib. Öldürdüyü şəxslərin dəyərli əşyalarını oğurlayan Sararat, bir qurbanından 9.000 dollar borc aldığı müəyyən edilib.
Polis istintaqı nəticəsində Sararatın cinayətlərində polis yarbayı olan keçmiş əri və onun vəkilinin də iştirak etdiyi üzə çıxıb. Hər iki şəxs məhkəmə tərəfindən həbs cəzasına məhkum edilib. Hazırda Sararatın üzərində 13 əlavə cinayət işi açılıb və o, ümumilikdə 80 fərqli ittihamla üzləşir.
Siripornun anası qızının qisasının alınmasından məmnunluğunu bildirərək deyib: "Qızım üçün ədalət yerini tapdı".
Jalə
Demokrat.az
7Источники
-
musavat.comQadın 14 dostunu bu üsulla öldürdü - Ölkəni şoka salan SERİYALI QATİL ( 13281373)
-
sfera.azBorca görə 15 dostunu zəhərləyib ÖLDÜRDÜ ( 13279528)
-
oxu24.comBorca görə 15 dostunu zəhərləyib ÖLDÜRDÜ ( 13279393)
-
gundem.azBorca görə 15 dostunu zəhərləyib ÖLDÜRDÜ ( 13278865)
-
musavat.comQumara görə 14 nəfəri zəhərləyib öldürdü - Edam ediləcək ( 13257694)
-
news24.azQumara görə 14 nəfəri zəhərləyib öldürdü - Edam ediləcək ( 13255177)
-
demokrat.azQumara görə 14 nəfəri zəhərləyib öldürdü — Edam ediləcək ( 13240630)
