Yeni Azərbaycan Partiyasının (YAP) təsis edilməsinin 32-ci ildönümü münasibətilə Sabunçu rayonu Balaxanı qəsəbəsində ağacəkmə aksiyası keçirilib.
"Unikal" xəbər verir ki, aksiyada Sabunçu Rayon İcra Hakimiyyətinin başçısı Adil Vəliyev, YAP Sabunçu rayon təşkilatının sədri Araz Xudadanov, “Balakhani Operating Company LTD”-nin prezidenti Rövşən Rzayev, Sabunçu Rayon İcra Hakimiyyəti başçısının müavinləri, partiya fəalları iştirak ediblər.
Aksiyanın əsas məqsədi ekoloji maarifləndirmə, yaşıllıqların bərpasını təşviq etmək, ətraf mühitin qorunması və iqlim dəyişikliyi ilə mübarizəyə dəstək olmaqdır. Aksiya çərçivəsində ümumilikdə 400-ə yaxın Eldar şamı və zeytun ağacı əkilmiş, yeni əkilmiş tinglərə aqrotexniki qulluq göstərilmişdir.
