Gənclikdə həddindən artıq spirt istehlakı siçanların beyinlərində yaşlanma ilə müşahidə olunanlara bənzər dəyişikliklərə səbəb olub.
Tribunainfo.az xəbər verir ki, bu barədə “Neurobiology of Aging” məlumat yayıb.
Tədqiqat zamanı siçanlara dörd gündən bir spirtli içki qəbul etmək imkanı verilib. Alkoqol istehlakının bu tezliyi, asılılıqdan əziyyət çəkən insanlar üçün xarakterikdir, onlar üçün həftə sonları içmək həftə ərzində fasilələrlə əvəz olunur.
Gəmiricilər bir ay ərzində spirtə məruz qalıblar. Siçanlar 8-12 həftəlik idi, insanlarda bu, təxminən 20 yaşa uyğundur. Bundan sonra siçanlara 9-12 aylıq olana qədər içki verilmədi ki, bu da insanlarda 30-40 yaşa bərabərdir. Müayinə zamanı məlum olub ki, gənc yaşda həddindən artıq içki içməyin təsirləri yetkin siçanların beyinlərində qorunub saxlanılıb. Hüceyrələr arasında siqnalların ötürülməsi pozulub.
Alkoqoldan imtina etdikdən sonra bəzi neyron dəyişiklikləri normallaşsa da, gənc yaşda çox içdikdən sonra uzunmüddətli nəticələrə səbəb olduğu qeyd edilir.
