Ukrayna Silahlı Qüvvələrinin (AFU) keçmiş baş komandanı, hazırda isə Ukraynanın Böyük Britaniyadakı səfiri Valeri Zalujnı üçüncü dünya müharibəsinin başlandığını elan edib.
Publika.az xəbər verir ki, Zalujnının sözlərinə istinadla Ukraynanın “Strana” nəşri məlumat yayıb.
Qeyd edilib o, bunu Rusiyanın Şimali Koreyadan hərbçi cəlb etməsi və İran və Çinin verdiyi dəstəklə əlaqələndirib.
O vurğulayıb ki, 2024-cü ildə müharibənin həqiqətən də başladığını hesab etmək olar, çünki Ukrayna təkcə Rusiya ilə deyil, həm də Koreya Xalq Demokratik Respublikasının (KXDR) əsgərləri ilə üz-üzədir.
Zalujnı qeyd edib ki, Ukraynaya Şimali Koreya istehsalı olan raketlər gəlir və bu, gizlədilmir və Çin mərmiləri də partladılır, Çin komponentləri Rusiya raketlərinə daxil edilir.
O, Qərb tərəfdaşlarını vəziyyətin ciddiliyini dərk etmədiklərinə görə qınayıb. Zalujnı əlavə edib ki, Ukrayna ərazisində münaqişəni dayandırmaq hələ də mümkündür, lakin “nədənsə tərəfdaşlar bunu həyata keçirmək istəmirlər”.
