1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Türkiyədəki 17 bankdan 12-si "xalis sıfır" hədəfinə doğru irəlilədiyi halda, 10-u yeni kömür layihələrini maliyyələşdirməmək öhdəliyi götürüb.
Oxu.Az xəbər verir ki, bu barədə BMT-nin İqlim Dəyişikliyi üzrə Çərçivə Konvensiyasının Tərəfləri Konfransının 29-cu sessiyasını (COP29) işıqlandıran "Haber Global" məlumat yayıb.
Məlumata görə, Davamlı İqtisadiyyat və Maliyyə Araşdırmaları Assosiasiyasının (SEFiA) "Türkiyədə bankların İqlim Dəyişikliyinə yanaşması" adlı hesabatının üçüncü hissəsini dərc edib.
Türkiyədə 17 özəl ticarət, dövlət və investisiya bankının iqlim dəyişikliyi təcrübələrini 5 əsas başlıq altında müzakirə edən hesabatda bu bankların qalıq yanacaq investisiyaları, "xalis sıfır" hədəfi, karbon izi, təmiz enerji investisiyaları, ESG (Ətraf Mühit, Sosial və Korporativ İdarəetmə ) və oxşar reytinqləri araşdırılır.
Sənədə görə, 17 bankın davamlılıq və iqlim böhranı ilə mübarizə çərçivəsində həyata keçirdiyi fəaliyyətlər müxtəlif istiqamətlərdə irəliləyib. Bununla belə, əvvəlki hesabat dövrləri ilə müqayisədə 2023-cü ildə sürət bir qədər azalıb.
Hesabata görə, müsbət irəliləyişlər arasında uzunmüddətli "xalis sıfır" hədəflərini dəstəkləyən və karbon izi, təmiz enerji investisiyaları ilə bağlı aralıq hədəfləri açıqlayan bankların bu hədəfləri elmə əsaslanan metodologiyaya uyğun olaraq yerinə yetirməsi və təsdiq etməsi olub.
Qeyd edək ki, üç ildir dərc edilən hesabatda Türkiyənin maliyyə sektorunun iqlim böhranı ilə mübarizədə əldə etdiyi irəliləyişlər ortaya qoyulur.
