ABŞ administrasiyası, son dövrlərdə Rusiyanın cavab zərbələrinə qarşı hazırlıq məqsədilə Ukrayna və müttəfiqləri ilə məsləhətləşmələr aparıb.
Musavat.com xəbər verir ki, Ağ Evin sözçüsü Karine Jan-Pyer, ABŞ-ın Rusiyanın Ukraynaya orta mənzilli ballistik raket buraxmaq niyyətindən əvvəl xəbərdar olduğunu qeyd edib: “Son günlərdə biz Ukrayna və yaxın müttəfiqlərimizlə danışıqlar aparmışıq ki, onlara bu vəziyyətə hazırlıqda dəstək ola bilək”.
Bundan əlavə, “CNN”ə istinadən verilən məlumata görə, ABŞ, Rusiyanın Ukraynaya strateji raketlə hücum etməyi planlaşdırmasından əvvəlcədən xəbərdar olub və bu barədə Kiyevə və digər müttəfiqlərə məlumat verib.
Kremlin mətbuat katibi Dmitri Peskov isə bildirib ki, Rusiya, “Oreşnik” ballistik raketinin buraxılmasından 30 dəqiqə əvvəl ABŞ-yə xəbərdarlıq göndərib. Pentaqonun mətbuat katibi Sabrina Sinqh da, ABŞ-ın Rusiyanın “Oreşnik” hipersəs raketinin buraxılmasından əvvəl xəbərdar olduğunu təsdiqləyib.
Musavat.com
