"Netanyahu ölkəmizə gələrsə, onu həbs etməyə borcluyuq".
Bakıvaxtı.az "The Guardian"a istinadən xəbər verir ki, bunu İsveçrə Federal Ədliyyə və Polis Nazirliyinin Federal Ədliyyə İdarəsinin kommunikasiyalar üzrə məsul işçisi İnqrid Rayser deyib.
O, bildirib ki, İsveçrə Beynəlxalq Cinayət Məhkəməsinin (BCM) verdiyi həbs qərarı çərçivəsində Netanyahu ölkəsinə gələrsə, onu həbs edəcək.
"BCM-nin hüquqi əsasını təşkil edən Roma Əsasnaməsinə əsasən, İsveçrə bütün hallarda cəzasızlıqla bağlı mübarizəni dəstəkləyir. Roma Nizamnaməsinə tərəf olan İsveçrə BCM ilə əməkdaşlıq etməyə borcludur. BCM ilə əməkdaşlıq etmək öhdəliyinə əsaslanaraq, İsveçrə müvafiq həbs qərarı ilə bağlı lazımi prosedurları həyata keçirəcək", - deyə Rayser vurğulayıb.
Gülşən Şərif
