TFF 3. Liqasında çıxış edən "Çorluspor 1947" klubunun baş məşqçisi Ersin Aka, Çorlu şəhərində silahlı hücuma məruz qalaraq dünyasını dəyişib. Manset.az Türkiyə mediasına istinadən xəbər verir ki, hadisə, Tekirdağ əyalətinin Çorlu rayonunun Mühittin məhəlləsində, Adnan Kahveci küçəsində baş verib. Məlumata görə, Ersin Aka həmin küçədə yürüdüyü zaman kimliyi hələlik müəyyən olunmayan bir şəxs tərəfindən tapança ilə vurulub və ağır yaralanıb. Hücumdan sonra saldırgan sürətlə qaçaraq izini itirib. Ətrafdakı vətəndaşların verdiyi məlumat əsasında hadisə yerinə təcili tibbi yardım komandası göndərilib. Aka, Çorlu Dövlət Xəstəxanasına aparılsa da, tibbi müdaxilələrə baxmayaraq, həyatını xilas etmək mümkün olmayıb. Polis qüvvələri, cinayətin motivini araşdırmaq və şübhəli şəxsi tapmaq məqsədilə geniş miqyaslı istintaq işləri aparır. Hadisənin təfərrüatları ilə bağlı araşdırmalar davam edir.
