Ölkənin aparıcı tikinti şirkətlərindən birinin – “Huner Group” MMC-nin (VÖEN – 1305322961) qanuni təmsilçisi (direktor) dəyişib.
Yeniavaz.com xəbər verir ki, “Huner Group” MMC-yə rəhbərlik edən tanınmış iş adamı Ehtiram Quliyevi bu vəzifədə Firəngiz Qərib qızı Balakişiyeva əvəz edib.
Qeyd edək ki, Ehtiram Quliyev hazırda “Turan Tovuz” futbol klubunun İdarə heyətinin sədridir. Bu klubun rəsmi adı “Turan Tovuz” Peşəkar Futbol Klubu İctimai Birliyidir. İş adamı bu yaxınlarda dövlət qeydiyyatına alınan “Turan FK” MMC adlı şirkətin də qanuni təmsilçisi olub.
“Huner Group” MMC-nin yeni rəhbəri Firəngiz Balakişiyeva isə “Nəfəs” İnsanlığa Dəstək İctimai Birliyinin sədridir.

Elnur Əli