Kartof ən geniş yayılan və dadlı tərəvəzlərdən biridir. Onun faydalı və ya zərərli olması müzakirə olunsa da, dietoloqlar sağlam olduğunu vurğulayırlar.
QHT.az xəbər verir ki, dietoloq Erin Palinski-Wade kartofun yüksək lif, kalium və dəmir mənbəyi olduğunu, lakin bişirmə üsulunun vacib olduğunu qeyd edib. Qızartma yerinə, bişmiş və ya qril edilmiş kartof daha qidalıdır.
Dietoloq Tobi Amidor kartofun tərkibində C və B6 vitaminləri olduğunu, karbohidratların isə bədənin əsas enerji mənbəyi sayıldığını bildirib.
Hər gün kartof yemək qan təzyiqini aşağı sala və ürək sağlamlığına müsbət təsir göstərə bilər. Lakin, kartofun yüksək glisemik indeksi qan şəkərini artırma riskini artıra bilər. Bunun qarşısını almaq üçün onu avokado və ya zeytun yağı kimi sağlam yağlarla birləşdirmək tövsiyə edilir.
Arıqlamağa çalışanlar üçün də kartof faydalıdır, çünki az kalorili və toxluq hissi yaradır. Əsas olan, bişirmə üsulunu düzgün seçməkdir.
R.İmanov
