Kişi basketbolçulardan ibarət Azərbaycan komandası DÇ-2027-nin seçmə mərhələsində A qrupunda üçüncü oyununu keçirib.
Sportinfo.az xəbər verir ki, Tahir Baxşıyevin rəhbərlik etdiyi kollektiv İrlandiyanın qonağı olub.
Matç irlandların qələbəsi ilə yekunlaşıb.
İrlandiya – Azərbaycan 91:67 (25:12, 23:13, 23:20, 20:22)
Azərbaycan millisi: Kamran Məmmədov (8 xal), Cordan Devis (25), Ulaş Turqut (5), Orxan Aydın (10), Sadettin Donat (4), Amil Həmzəyev (3), Zaur Paşayev (6), Şirzad Şirzadov ( 4), Əkbər Məmmədov (2), Elşad Şirzadov, Ercan Donat, Cəbrayıl Əkbərov.
Milli startda İsveçrəyə uduzub (53:72), daha sonra Kosovoya qalib gəlmişdi (87:77).
"Çox pis oynadıq" - bunu Azərbaycan millisinin basketbolçusu Amil Həmzəyev zədəli halda oynadığını bildirib:
"Bu qarşılaşma üçün çalışdıqlarımızın heç 10 faizini göstərə bilmədik. Mənim dizimdə zədə var.
Bakıdakı son məşqdə oldu. Ağrıkəsici ilə oynamağa çalışdım. Məncə, Endər Poladxanlının olmaması da komandaya təsir etdi".
34 yaşlı basketbolçu İsveçrəyə qarşı növbəti görüşdə qələbə qazanmağa çalışacaqlarını vurğulayıb:
"Növbəti oyunumuz evdə İsveçrəyə qarşı olacaq. Artıq bu matça fokuslanmalıyıq. İnşallah, evdə qalib gələrik".
Noyabrın 24-də Bakıda təşkil olunacaq Azərbaycan - İsveçrə qarşılaşması saat 14:00-da start götürəcək.
