Yeni silah sistemlərini sınaqdan keçirməyə davam edəcəyik.
Busaat.az xəbər verir ki, bu sözləri Rusiya Federasiyasının prezidenti Vladimir Putin Putin Rusiya Müdafiə Nazirliyinin rəhbərliyi, hərbi sənaye nümayəndələri və raket sistemləri istehsalçıları ilə görüş zamanı bildirib.
Çıxışında “Oreşnik” adlı ballistik raketin qeyri-nüvə hipersəs avadanlığı ilə təchiz olunduğunu qeyd edən Rusiya rəhbəri dünən bu silahın Ukraynanın hərbi və sənaye kompleksi obyektlərindən birinə hücumu zamanı müharibə şəraitində uğurla sınaqdan keçirildiyini diqqətə çatdırıb.
Rusiyanın bu gün yeni təhlükələrlə qarşı-qarşıya olduğuna diqqət çəkən Putin deyib:
“Ona görə də bu cür silahların hazırlanması istiqamətində görülən işlər ölkəmiz üçün həyati əhəmiyyət kəsb edir. Dünən sınaqdan keçirilən silah sistemi Rusiyanın ərazi bütövlüyü və suverenliyinin möhkəm qarantıdır”. Bakıvaxtı.az
