Bu gün futbol üzrə Azərbaycan Misli Premyer Liqasında 14-cü turun daha iki qarşılaşması keçiriləcək. Uğursuzluq zolağında çapalayan “Neftçi” öz meydanında “Zirə”ni qəbul edəcək. Meydan sahibləri matça ciddi itkirlərlə çıxacaq. Belə ki, Azər Salahlı, Andre Şinyaşiki, Emin Mahmudov və Dembo Darbo zədə səbəbindən, Kilan Lebon isə cəzalı olduğu üçün bu gün “Zirə”yə qarşı oynaya bilməyəcək. Samir Abasovun gəlişindən sonra yalnız “Səbail”i məğlub edən “Neftçi” son 3 turda qələbəyə həsrətdir (1 məğlubiyyət, 2 heç-heçə).
Qeyd edək ki, günün ilk oyununda “Səbail” öz meydanında “Qarabağ”ı qəbul edəcək.
Mətləb
