Daniel Kreyq "DC Studios"-un komiksləri əsasında çəkilmiş "Serjant Rok" filmində rol alacaq.
Reyting.az bildirir ki, Ceyms Bond obrazı ilə tanınan britaniyalı aktyor Daniel Kreyqin tezliklə "SerjantRok" filmində baş rolu alacağı barədə məlumatı "Deadline" jurnalı yazıb.
Filmin rejissoru Luka Quadaqnino olacaq. Bu rejissor sentyabrda keçirilən Venesiya Film Festivalında nümayiş etdirilən "Çox qəribə" triller dramında da məhz Kreyqlə birlikdə çalışmışdı.
Kreyq ilə Quadaqninonun hələ ki, bu yeni layihədə iştirak etmək üçün rəsmi müqavilə imzalamadığı bildirilir. Filmin süjet detalları yoxdur. Çəkilişlərin vaxtına gəlincə, rejissor Quadaqninonun yeni işə başlaması dəqiq deyil. Ancaq güman edildiyi kimi, o, digər bir böyük layihəsinə başlamaq, "Amerikalı psixi xəstə" filminin çəkilişlərinə keçməzdən əvvəl yeni ekran əsərini, "Serjant Rok" adlı bu filmi çəkib tamamlamaq fikrindədir.
Bu filmin qəhrəmanı olan Çavuş Franklin Con Rokun hətta real şəxs olduğu deyilir. Rok çox cəsarətli bir əsgərdir. Onun İkinci Dünya Müharibəsində piyada qoşunları tərkibində xidmət etdiyi məlum olur. Bu film onun sərgüzəştlərinə həsr olunmuş, 1977-1988-ci illərin ərzində nəşr edilən komikslər silsiləsi əsasında çəkiləcək.
Oqtay QORÇU
