Fəqərəarası disklər amortizator rolunu oynayır və onurğanın hərəkətliliyini təmin edir. Travma və ya degenerativ dəyişikliklər səbəbindən diskin yerdəyişməsi və ya qabarması baş verir ki, bu da onurğa beynindən çıxan sinirlərin sıxılmasına gətirib çıxarır. Sinirin sıxılması da öz növbəsində ağrı, keyimə, əzələ zəifliyi, hərəkət funksiyalarının və disk yırtığının yerləşməsindən asılı olaraq digər funksiyaların pozulmasına səbəb olur.
Güclü ağrıya və ətrafların funksiyalarının pozulmasına səbəb olan, konservativ müalicəyə (məsələn, dərman və ya fizioterapiya) cavab verməyən disk yırtığı diskektomiya əməliyyatı üçün göstəriş sayılır. Əməliyyat icbari tibbi sığorta hesabına qarşılanır. Disk hissəvi və ya tam çıxarıldıqdan sonra onurğanı sabitləşdirmək üçün istifadə olunan implantlar da icbari tibbi sığorta ilə təmin olunur. Əməliyyat zamanı müasir standartlara cavab verən beynəlxalq sertifikatlı implantlardan istifadə olunur.
2024-cü ilin yanvar-oktyabr ayları ərzində icbari tibbi sığorta hesabına 3500-ə yaxın diskektomiya əməliyyatı icra olunub. Əməliyyatlar TƏBİB-in tabeliyindəki dövlət tibb müəssisələrində və İcbari Tibbi Sığorta üzrə Dövlət Agentliyi ilə müqaviləsi olan tibb müəssisələrində (özəl və müvafiq dövlət orqanlarının tabeliyindəki) həyata keçirilib.
Əməliyyatdan öncə isə bir sıra diaqnostik müayinələrdən keçmək tələb olunur. Əsas müayinələr maqnit-rezonans tomoqrafiyası (MRT), kompüter tomoqrafiyası (KT), onurğa rentgenoqrafiyası, elektrokardioqramma (EKQ), qarın boşluğunun ultrasəs müayinəsi (USM) və sinirlərin funksionallığının qiymətləndirməsi üçün həkim tərəfindən aparılan neyrofizioloji testləri əhatə edir. Bunlarla yanaşı, əməliyyata əks göstərişin olmadığını müəyyən etmək üçün qan analizi və digər laborator müayinələr də tələb oluna bilər. Qeyd edilən instrumental, funksional-diaqnostik və laborator tibbi xidmətlər icbari tibbi sığorta hesabına vətəndaşlar üçün ödənişsizdir.
Qeyd edək ki, ixtisaslı həkim tərəfindən əməliyyat təyin edilməmişdən öncə konservativ müalicə üsulu tövsiyə olunur. Bunlardan biri də icbari tibbi sığorta ilə qarşılanan fizioterapiya xidmətidir.
10Источники
-
azreform.infoBu əməliyyat da icbari tibbi sığortanın təminatına daxildir ( 13309102)
-
olke.azBu əməliyyat da icbari tibbi sığortanın təminatına daxildir ( 13308679)
-
xezerxeber.azFəqərəarası disk yırtığı əməliyyatı icbari tibbi sığortanın təminatına daxildir ( 13302163)
-
metbuat.azBu əməliyyat icbari tibbi sığortaya daxildir ( 13302130)
-
xalqqazeti.azFəqərəarası disk yırtığı əməliyyatı icbari tibbi sığortanın təminatına daxildir ( 13301983)
-
cebheinfo.azBu əməliyyat da icbari tibbi sığortanın təminatına daxildi ( 13301881)
-
fins.azDiskektomiya əməliyyatı artıqicbari tibbi sığortanın təminatına daxildir ( 13301680)
-
azpost.infoFəqərəarası disk yırtığı əməliyyatı icbari tibbi sığortanın təminatına daxildir ( 13301239)
-
day.azBu əməliyyat da icbari tibbi sığortanın təminatına daxildi ( 13300843)
-
demokrat.azBu əməliyyat da icbari tibbi sığortanın təminatına daxildi ( 13300702)
