Kanada Beynəlxalq Cinayət Məhkəməsinin (ICC) təsisçi dövlətidir. Bu baxımdan ölkə onun bütün qərarlarına əməl edəcək.
Bunu Kanadanın xarici işlər naziri Melani Coli deyib.
"Kanada Beynəlxalq Cinayət Məhkəməsinin təsisçi dövlətidir. Kanada həmişə təkcə beynəlxalq hüququn vacibliyinə deyil, həm də bütün tərəflərin ona hər zaman əməl etmək öhdəliyinə inanıb. Eyni zamanda, Kanada Roma Əsasnaməsinə uyğun olaraq öz öhdəliklərinə əməl edir”, - Kanada Xarici İşlər Nazirliyinin rəhbəri bildirib.
Coli həmçinin əlavə edib ki, Qəzzada vəziyyət fəlakətlidir. Çoxlu uşaq və qadın öldürüldü. Bundan əlavə, o, girovların azad edilməli olduğunu vurğulayıb.
Xatırladaq ki, noyabrın 21-də BCM İsrailin baş naziri Benyamin Netanyahu və keçmiş müdafiə naziri Yoav Gallantın həbsinə order verib.
Həmin gün Aİ diplomatiya rəhbəri Josep Borrell bildirib ki, Aİ ölkələri ICC-nin İsrailin baş naziri Benyamin Netanyahunun həbsinə dair orderə əməl etməyə borcludur. O vurğulayıb ki, belə bir qərar sadəcə siyasi xarakter daşımır.
Oxuməni.az
