Kiyev “Dinamo”sunun sabiq futbolçusu Aleksandr Əliyev Ukrayna millisinin sabiq kapitanı, hazırda Rusiyada “Sankt-Peterburq “Zenit”inin məşqçisi kimi çalışan Anatoli Timoşukun Ukrayna vətəndaşlığından məhrum edilməsini istəyib.
Publika.az xəbər verir ki, bundan başqa, Əliyev Timoşukun bütün əmlakının müsadirə olunmasını tələb edib.
"Hamınıza salam. İndicə oxudum ki, prezident Vladimir Zelenski Timoşuku bütün mükafatlarından məhrum edib. Mən də istərdim ki, onu Ukrayna vətəndaşlığından məhrum etsin və burada olan bütün əmlakını müsadirə etsin! Mən bunu tam dəstəkləyirəm”, - deyə Əliyev sosial şəbəkələrdə bildirib.
