\"The New York Times” qəzetinin hüquqşünasları məlumatlarının \"OpenAI\" şirkəti tərəfindən silindiyini iddia edirlər.
AZXEBER.COM Qərb mətbuatına istinadən xəbər verir ki, \"OpenAI\"nin təsadüfən silinmiş məlumatların əksəriyyətini bərpa etməyi bacardığı bildirilsə də, hüquqşünaslar orijinal fayl adlarının və qovluq strukturlarının hələ də yox olduğunu bildiriblər.
Digər tərəfdən, vəkillər də sözügedən vəziyyətin qəsdən baş verdiyini düşünməyə əsas olmadığını bildiriblər.
Mövzu ilə bağlı qəzetdən heç bir açıqlama verilməsə də, \"OpenAI\"nin sözçülərindən biri verdiyi açıqlamada, \"Biz edilən xarakteristikalar ilə razılaşmırıq və tezliklə cavabımızı təqdim edəcəyik\" - deyib.
Məhkəmənin qərarından sonra \"OpenAI\" şirkəti \"The New York Times\"a bəzi təlim süni intellekt texnologiyaları məlumatlarına daxil olmağa icazə verib.
Qəzet 2023-cü il dekabrın 27-də \"OpenAI\" və \"Microsoft\"a qarşı kontentlərinin icazəsiz istifadə edildiyini və müəllif hüquqlarının pozulduğunu iddia edərək məhkəməyə müraciət edib.
